Miärádâsâi toohâm

Mij toohâp miärádâsâid Laapi pyerrin

Miärádâsâi toohâm lii čuolmâi čuávdim já muulsâiävtui kooskâst valjim. Laapi littoost tot vuáđuduvá kieldâlâš demokratian já meridemvääldi kevttih lappiliih kieldâmerideijeeh.

Laapi litto lii kieldâovtâstume, mon omâsteijeeh láá puoh Laapi kieldah. Merideijeeh väljejuvvojeh puoh Laapi lito toimâorgaanáid nuuvt, ete tai poolitlâš juáhásume västid kieldâvaljâpuáttus Laapist.

Vääldi ohtâvuođâ kieldâmerideijeiguin

Uápis kieldâmerideijeid kannat leđe ohtâvuođâst eennâmkode lito aašijn.

Eennâmkoddeváldustivrâ

Laapi littoost alemuu meridemvääldi kiävttá 60 jeessân eennâmkoddeváldustivrâ. Váldustiivrâ jesâneh láá jeessânkieldâi kieldâváldustiivrâi jesâneh. Jieškote-uv kieldâ jeessânmeeri eennâmkoddeváldustiivrâst miärášuvá kieldâ ässeelovo mield, já jyehi kieldâ uážžu váldustiivrân ucemustáá oovtâ ovdâsteijee. Jyehi niäljád ive kieldâvaaljâi maŋa čokkâneijee kieldâi ovdâsteijeečuákkim väljee váldustiivrâ.

Eennâmkoddehaldâttâs

Keevâtlii pargo joođeet váldustiivrâ valjim eennâmkoddehaldâttâs, moos kuleh 15 kieldâmerideijed jieškote-uv eennâmkode kuávluin, sehe sämitige nomâttem äššitobdeejeessân. Eennâmkoddehaldâttâs stivree lito virgáduv pargo, valmâštâl eennâmkoddeváldustiivrâst kieđâvuššâmnáál aašijd já olášut váldustiivrâ miärádâsâid.

Tarkkumlävdikodde já kááijumlävdikodde

Eennâmkoddeváldustivrâ väljee tarkkumlävdikode, mii kocá, ete váldustiivrâ lito toimáid asâttem mittomereh olášuveh.