Tiäđu Laapi littoost anarâškielân
Laapi litto lii Suomâ tavemuu, eennâmtieđâlávt viijđásumos já almugijkoskâsumos eennâmkode ovdedeijee, vuávájeijee já hiätukoccee.
Mij lep lavváin asâttum kieldâovtâstume, mon jesânin láá puoh Laapi 21 kieldâd. Mii pargo vuolgâsaijeen lii lappilij pyereestvaijeem sehe Laapi eellimnaavcah, kiäsutteijeevuotâ já tuálleevuotâ.
Mii kuávdáš pargoh já almugijkoskâsâšvuotâ
Laapi lito kuávdáš pargoh láá eennâmkode strategilâš ovdedem, vuávám já Laapi hiäđui vyeijim nuuvt aalmuglávt ko almugijkoskâsávt-uv.
Laapi ässei, iäláttâseellim já eres čonâsjuávhui miänástume visásmittem várás mij porgâp vijđes hiätuvyeijim- já vaiguttempargo nuuvt Suomâst, Euroop unionist ko eres almugijkoskâsijn ohtsâšpargofoorumijn.
Uáppáásm tärhibeht Laapi lito pargoid:
Vuáđusopâmuš já meridemväldi
Vuáđusopâmuš mield Laapi litto tuáimá eennâmkode, ton kieldâi já ässei hiättun ovdedem-, vuávám-, tutkâm- já hiätuvyeijimaašijn.
Lito pargon lii eennâmkode ovdedem kieldâlâš-, sosiaal-, tiervâsvuotâ-, kulttuur-, škovliittâs-, pirâs- já iäláttâsaašijn ohtsâšpargoost kuávlu kieldâiguin.
Laapi littoost alemuu meridemvääldi kiävttá poolitlávt väljejum eennâmkoddeváldustivrâ já keevâtlii pargo stivree eennâmkoddehaldâttâs.
Sämitigge noomât Laapi lito stiivrân äššitobdeejeessân. Äššitobdeejesânist lii stiivrâ čuákkimijn mieldiorroom- já sárnumvuoigâdvuotâ.
Laavâst asâttum pargoh
Mii laavâst asâttum pargoid kulá toimâđ kuávluoovdedmist adelum laavâ miäldásâš kuávluovdedemvirgeomâhâžžân sehe huolâttiđ eennâmkevttim- já huksimlaavâ miäldásijn pargoin Laapist.
Mij tuárjup Laapi kieldâi toimâmiävtuid eennâmkoddeest já ovdedep kieldâi koskâsii ohtsâšpargo.
Laapi lito visio
Mij lep movtigis, Laapin positivlâš naavcâid adeleijee “Tehemä pois”, “Pargop peri” -juávkku.
Mij ovdedep Laapi miänástus já lappilij pyereestvaijeem.