Tieđu Lappi lihtus davvisámegillii

Lappi lihttu lea Suoma davimus, eatnandieđalaččat viiddimus ja riikkaidgaskasaččamus eanangotti gárggiideaddji, plánejeaddji ja beroštumi bearráigeahčči.

Mii leat lágain mearriduvvon gieldaovttastupmi, man lahttun leat visot Lappi 21 gieldda. Bargomet vuolggasadjin lea lappilaš olbmuid buresbirgejupmi ja Lappi eallinvuoibmi, geassinfápmu ja doallanfápmu.

Váimmusbargomet ja riikkaidgaskasašvuohta

Lappi lihtu váimmusbarggut leat eanangotti strategalaš gárggiideapmi, plánen ja Lappi beroštumiid vuodjin álbmotlaččat go riikkaidgaskasaččat.

Lappi orruid, ealáhuseallima ja eará čanusjoavkkuid menestumi sihkkarastima várás dahkat viiddesvuđot beroštumi vuodjin- ja váikkuhanbarggu Suomas, Eurohpa Uniovnnas go eará riikkaidgaskasaš ovttasbargoforumiin.

Oahpásnuva dárkileappot Lappi lihtu bargguide:

• Guovlogárggiideapmi
• Guovloplánen
• Beroštumi vuodjin 
• Riikkaidgaskasaš bargu
• Prošeavttat
• Ruhtadeapmi 
• Mearrádusdahkan

Vuođđosoahpamuš ja mearridanváldi

Vuođđosoahpamuša mielde Lappi lihttu doaibmá eanangotti, dan gielddaid ja orruid buorrin gárggiidan-, plánen-, dutkan- ja beroštumi vuodjináššiin.

Lihtu bargun lea eanangotti gárggiideapmi gielda-, sosiála-, dearvvašvuohta-, kultuvra-, skuvlen-, biras- ealáhusáššiin ovttasráđiid guovllu gielddaiguin.

Alimus mearridanválddi Lappi lihtus geavaha politihkalaččat válljejuvvon eanangotti alimus stivra ja geavada barggu stivre eanagodderáđđehus.

Sámediggi nammada áššedovdilahtu Lappi lihtu ráđđehussii. Áššedovdilahtus lea stivrra čoahkkimiin mieldeorrun- ja hupmanriekti.