Ruhtadeami ohcan

Eanagotti ovddidanruhta

Eanagotti ovddidanruhta on Lappi eanagoddeprográmma vuollásaš ovddidanfitnuid ollašuhttimii oaivvilduvvon mearreruhta. Eanagotti ovddidanruđa juohkimis guovlluide mearrida jahkásaččat Bargo- ja ealáhusministeriija. Guovlluidovddidaneiseváldin Lappi Lihttu mearrida mearreruđa geavaheamis guovllustis.

Davvi-Suoma EAKR-prográmma 2007-2013

Davvi-Suoma EAKR-prográmma vuođul geahččalit lasihit ođasmahttingilvalannávccaid, stuoridit fitnodagaid, buoridit juvssahahttivuođa ja nannet geasuhusdahkkiid.

 

EAKR-ruhtadeami sáhttet ohcat fitnodagat, oahppolágádusat, dutkanlágádusat, gielddat, guovlogielddat ja eará vuoigatvuođadohkálaš servošat dahje daid oktiibijut. Ruhtadeami mieđihit Lappi Lihttu, Lappi ELY-guovddáš ja Finnvera. Lappi Lihttu ii mieđit doarjaga ovttaskas fitnodagaid fitnodatdoaimma ovddideapmái. Loga lasi Davvi-Suoma EAKR -prográmmas

Interreg IV A Pohjoinen

INTERREG IVA Pohjoinen lea EU-prográmma, mainna dorjojuvvo rájiid rasttildeaddji ovttasbargu prográmmabaji 2007-2013 áigge. Dáinna prográmmain geahččalit riikkarájiid rasttildeaddji ovttasbarggu bohte doarjut ekonomalaš ja sosiálalaš ovdáneami prográmmaguovllus. Interreg IV A Pohjoinen prográmma vuođul sáhttá ruhtadit dušše dakkár fitnuid, main lea ollašuhtti uhcimustá guovtte riikkas. Jos fitnus leat ollašuhttit buot golmma riikkas, de dat lohkkojuvvo ánsun. Loga lasi Interreg IV A Pohjoinenis

Kolarctic ENPI CBC

Kolarctic ENPI CBC 2007-2013 lea Davvikalohta ja Oarjedavvi-Ruošša rájiid rasttildeaddji ovttasbargoprográmma. Dán prográmma vuođul ruhtaduvvojit Suoma, Ruoŧa, Norgga ja Ruošša ovttasbargofitnut.

Davviperiferiija

Davviperiferiija prográmma doarju Eurohpá boaittobealeguovlluid ekonomalaš, bistevaš ovdáneami fidnoruhtadeami vuođul, man ohcci sáhttá oažžut eanemustá 60 % fidnogoluin. Prográmmaguvlui gullet eanagottit Suomas, Ruoŧas, Norggas, Skotlánddas, Irlánddas ja Davvi-Irlánddas sihke Islánda, Ruonáeana ja Fearasullot ollásit.

Davvikalohta ráđđi

Davvikalohta ráđđi lea davviriikalaš rádjeovttasbargoorganisašuvdna, man váldoruhtadeaddjin doaibmá Davviriikkaid ministtarráđđi. Davvikalohta ráđis sáhttá ohcat doarjaga dakkár davviriikalaš fidnodoibmii, mii gullá ráđi válljen deattuhussurggiide.