Rájiid rasttildeaddji EU-prográmmat

Lappi Lihttu lea mielde ollašuhttimin moanaid rájiidrasttildeaddji ovttasbarggu ovddideaddji  EU-prográmmaid. EU:a, Suoma ja Lappi oktasaš ulbmilin lea daiguin ovddidit EU:a oktilašvuođa ja jávkadit riikkarájiid dagahan eastagiid, ovddidit buori ovttasbarggu sihke EU:a sis- ja olgorájiid rastá ja nannet Lappi gilvalannávccaid ja eallindilálašvuođaid nu, ahte adnojuvvojit ávkin rájiid rasttildeaddji ovttasbarggu vejolašvuođat.

Earret eará čuovvovaš prográmmat fállet ruhtadeami rájiid rasttildeaddji fitnuide:

Kolarctic ENPI CBC -prográmma vuođul ovddiduvvo rájiid rasttildeaddji ovttasbargu Davvi-Kalohta ja Oarjedavvi-Ruošša gaskkas. Lappi Lihttu doaibmá prográmma hálddahuseiseváldin.

Interreg IV A Pohjoinen doaibmá Davvikalohta guovllus. Dan hálddahuseiseváldin doaibmá Norrbottena leanaráđđehus Ruoŧas. Lappi Lihtus gávdno prográmma infobáiki, mii bálvala ruhtadeami ohcciid erenoamážit Suoma bealde. 

Davviperiferiija (Northern Periphery) prográmma doaibmaguvlui gullet viiddis guovllut Davvi-Eurohpás, ja maiddái ovdamearkka dihte Islánda. Dán prográmmas lea riikkadási oktavuođabáiki Lappi Lihtus.

Nuortameara prográmma   Baltic Sea Region Programme 2007-13 lea EU:a okta Interreg IV B-prográmmain. Das prográmmaguovlu gokčá viidát Davvi-Eurohpá, ee. oppa Suopma gullá dán prográmmaguvlui.