Davvikalohta ráđđi

Davvikalohta ráđđi lea davviriikalaš rádjeovttasbargoorganisašuvdna, man váldoruhtadeaddjin doaibmá Davviriikkaid ministtarráđđi.

Eatnandieđalaččat Davvikalohttii gullet Nordlándda, Romssa ja Finnmárkku fylkkat Norggas, Lappi eanagoddi Suomas ja Norrbottena leatna Ruoŧas. Davvikalohta ráđi doaimmas leat mielde guovllupolitihkas vástideaddji eiseválddiid ja ealáhuseallima ovddasteaddjit.  

Lappi Lihttu doaibmá Davvikalohta ráđi ságadoallin jagiid 2009-2010. Ráđi čállingoddi doaibmá maiddái Lappi Lihtus.

Davvikalohttaovttasbarggu deattuhussuorggit leat

• guovllupolitihkka,
• ealáhus- ja infrastruktuvrra ovddideapmi,
• kommunikašuvdna- ja johtalusoktavuođat,
• dutkan- ja skuvlenovttasbargu; ja
• oktasaš bálvalusčovdosiid ovddideapmi riikkarájiid rastá.

Vásáhusaid lonohallamiin ja meannudanvugiid veardádallamiin sáhttá gávdnat ovttasbargui ođđa doaibmamálliid. Davvikalohta ráđi doaimmas lea mávssolaš oassin maiddái Interreg IV A Pohjoinen -prográmma fitnuid vásttaruhtadeami lágideapmi.