Ruvke- ja geađgesuorggi doaibmasuorgehoavda -fidnu

Fitnu duogážin lea Gávpe- ja industriijaministeriija ásahan rokkanasindustriija doaibmavejolašvuođaid guorahallan bargojoavkku doaibmabidjoávžžuhus rokkanassuorggi áššedovdi fidnemis TE-guovddážiidda (dálá ELY-guovddáš). Ruvke- ja geađgesuorggi doaibmasuorgehoavda -fidnu ásahuvvui Lappi Lihtu, Lappi TE-guovddáža ja Bargo- ja ealáhusministeriija oktasašfidnun 2009:s. Fitnu ollašuhttinági lea 1.6.2009 - 31.7.2012. Doaibmasuorgehoavdda sajádatbáiki lea Lappi Lihttu, mii vástida fitnu ollašuhttimis.

Fitnu guovddáš mihttomearrin lea ovddidit ja oktiiheivehit ruvke- ja geađgesuorggi ovdáneami sihke daidda guoskevaš infrastruktuvrra, logistihka, bargofámu ja skuvlema, dutkama sihke fitnodatfierpmádagaide guoskevaš doaibmabijuid.

Doaibmasuorgehoavdda bargguide gullet earret eará:

• Ovddidandoaimmaid oktiiheiveheapmi ja ruvkeklustera nannen
• Áššedovdibarggut ja bargojoavkkuide oassálastin plánen-, fidno- ja lávvaplánendoibmii guoskevaš áššiin
• Doaibmasuorgeovdáneami čuovvun, raporteren ja diehtojuohkin
  - doaibmasuorgeraporttat
  - ruhtadanoainnut
  - fitnuide guoskevaš áššedovdicealkámušat
  - doaibmasuorgebeaivvit ja áššedovdideaivvadeamit
• Lappi industriijastrategiija dahkan

Fitnu ollašuhttináigi lea 1.6.2009 - 31.7.2012. Doaibmasuorgehoavdda sajádatbáiki lea Lappi Lihttu, mii vástida fitnu ollašuhttimis.

Ruvkedoaimmas ja geađgeovddosdikšumis lea guovddáš ealáhus- ja guovllupolitihkalaš mearkkašupmi Lappis, Kainuus, Pohjanmaas ja Pohjois-Karjalassa. Lappis gávdnojit valjis divrrasmetállat ja eará rokkanasat. Málbmaohcamii guoskevaš doaibmabijut ja iskkadanbohkandoaibma leat jođus sierra báikkiin eanagottis. Luonddugeđggiid ovddosdikšuma nana guovllut leat Pohjois-Karjala, Varsinais-Suomi, Uusimaa, Kaakkois-Suomi ja Kainuu.