Roadmap for Lapland - Lappi turismma strategiijalaš ovddideapmi 2010-2012

Lappi turismma ovddidit strategiijalaš dásis Roadmap for Lapland -fitnu vuođul. Fitnu doaibmabijuide gullet ee. Lappi turismastrategiija dahkan, turismma dorvvolašvuođavuogádaga strategiijalaš stivren sihke turismma ja kreatiivvalaš surggiid ovttasbarggu ovddideapmi kreatiivvalaš surggiid oktiiheivehanbargojoavkku doaimmaid vuođul.

Lappi turismastrategiija 2011-2014

Jagi 2010 áigge beivejuvvo Lappi turismastrategiija boahttevaš jagiide. Beivenproseassa lea álgán sierra doaibmiid čoahkkimiiguin. Vuosttas árvalus ođđa strategiijas almmustuhtto geassit 2010. 

 Lappi turismastrategiija vuođul stivrejuvvo eanagotti turismma ovddideapmi nu, ahte meroštallojit vuolggasajit ja deattuhussuorggit. Ulbmilin lea ovddidit Lappi turismma gilvalannávccaid ja šaddama, doarjut turismaguovddážiid ja -guovlluid ovddidanbarggu sihke lasihit turismma ovddideapmái čujuhuvvon almmolaš doarjaga beaktilvuođa.

Turismastatistihkat

Lappi Lihttu diŋgo idjadanstatistihkaid Lappi deháleamos turismaguovlluin. Mánnosaš statistihkat beivejuvvojit guovtte mánu sisa. Turismastatistihkaid (suomagillii) gávnnat dákko.