Lappi ovddideapmi ja ávkegoziheapmi

Lappi Lihtus lea dehálaš rolla eanagotti ovddideamis ja ávkegoziheamis. Dáin siidduin sáhtát oahpásmuvvat min doibmii.

Lágasmearriduvvon guovlluidovddidaneiseváldi Lappi Lihttu jođiha eanagottis guovlluidovddidanbarggu; vástida eanagottálaš ovddidanstrategiijaid ja -prográmmaid dahkamis, guovlluidovddidandoaimmaid plánemis sihke struktuvrafoandaprográmmaid ollašuhttimis ja hálddašeamis.

Geavatlaš ovddidanbarggu leat stivremin vuosttažettiin Lappi eanagoddeplána, Lappi eanagoddeprográmma ja eanagoddeprográmma ollašuhttinplána. Dáid lassin dahkkojuvvojit sierra strategiijat dárbbu mielde.

Lappi Lihttu doaibmá guovlluidovddidanfitnuide ruhtadeaddjin. Lappi Lihtus leat anus sihke riikkadási ja EU-ruhtadeapmi, mii mieđihuvvo dakkár prošeavttaide, maiguin geahččalit ovddidit Lappi ulbmiliid. Lappi Lihttu doaibmá maiddái Kolarctic ENPI CNC -prográmma hálddahuseiseváldin sihke Interreg IV A -prográmma infobáikin.

Guovlluidovddidanbarggu lassin Lappi Lihttu ovddida eanagotti ulbmiliid juksama nu, ahte goziha Lappi beroštumiid riikkadási ja EU-dási politihkalaš mearrádusdahkamis ovdamearkka dihte váldimiin beali Lappi dáfus guovddáš láhkamearrádusaide sihke jahkásaččat stáhtabušeahtta sisdollui.

Buot doaimmainis Lappi Lihttu dahká rabas ovttasbarggu lappilaš ovttasbargoguimmiidisguin.