Lappi Lihtu organiseren

 

Lappi Lihttu lea gieldaovttastupmi, mas leat lahttun 21 gieldda. Lihtu hálddahusa vuođđoprinsihpat meroštallojit gieldalágas ja lahttogielddaid dohkkehan vuođđosoahpamušas. Lappi Lihttu lea okta Suoma 19 eanagoddelihtus, ja dáid lihtuid mearrádusdahkan vuođđuduvvá gielddalaš demokratiijai. 

 

Lappi Lihtu bajimus mearridanorgána lea stivra, mii válljejuvvo ain gielddaválgabadjái. Stivrra vállje ovddasteaddjiidčoahkkin, mii čoahkkana juohke  4. jage gielddaválggaid maŋŋá. Stivra čoahkkana guktii jagis, mearrida earret eará Lihtu ekonomiijaplánas ja bušeahtas, dohkkeha ruhtadoalloloahpaheami ja doaibmačilgehusa ja vállje eanagodderáđđehusa.


Stivra vállje maiddái dárkkistanlávdegotti, man bargun lea gozihit ahte eanagoddestivrra Lihtu doibmii ásahan ulbmilat ollašuvvet. Stivra vállje maiddái Lappi gádjunlávdegotti. Lappi gádjunlágádus doaibmagođii 1.1.2004 Lappi Lihtu vuollásaš ovttadahkan.


Ráđđehus vástida Lappi Lihtu hálddahusas ja ekonomiijadikšumis. Eanagodderáđđehussii válljejuvvojit eanagoddestivrra válgabadjái politihkalaš váldegaskavuođaid mielde 15 lahtu. Eanagodderáđđehus čoahkkana sullii oktii mánotbajis ja dat stivre ja goziha Lappi Lihtu virgebáikki doaimma.